Bæði inni í kirkjuni og uttanfyri er lagdar blómur og kransar í allan morgun frá persónum og felgskapum, sum vilja senda konservativa formanninum Søren Pape Poulsen eina seinasta heilsan.
Fyrrverandi maðurin hjá Søren Pape Poulsen, Josue Medina Vazquez, er eisini við til jarðarferðina í Viborg.
Áðrenn dyrnar lótu upp klokkan 9 danska tíð, stóðu fleiri í kø fyri at sleppa inn.
Fólk, sum ikki eru boðin, stóðu í kø og bíðaðu, og fleiri høvdu blómur við.
Søren Pape, sum doyði seinasta leygardag 2. mars eftir at hava fingið eina heilabløðing, vaks upp í Bjerringbro í Viborg kommunu, har hann seinni gjørdist borgarstjóri.
Jarðarferðin í Viborg Domkirke byrjar klokkan 10 okkara tíð. Tað eru pláss fyri 800 gestum í kirkjuni, men 350 av teimum eru reserverað til innbodnar gestir.
Restin av plássunum eru til almenningin.
Kisten við Søren Pape Poulsen verður borin úr dómkirkjuni umleið klokkan 10.45 okkara tíð. Donsku sjónvarpsstøðirnar senda frá jarðarferðini.
/ritzau/
