Leygardagin hin 28. januar skipar fjepparafelagið hjá B68, Reyði Pantarin, fyri stórari innandurakapping í høllini í Tofta skúla.
Kristian Poulsen sigur, at áhugin er stórur, og tey hava fingið metnógvar tilmeldingar.
- Men, ávísir aldursbólkar kundu verið enn betri mannaðir, og tí eru fólk framvegis vælkomin at tekna seg til eina fantastiska innandurakapping.
Kristian Poulsen sigur, at kappingin er fyri tey yngru liðini í aldrinum U5 til U16. Hvørt lið telur fimm leikarar og í mesta lagi ein eyka leikara. Tó spæla U13, U15 og U16 við fýra leikarum.
Liðini kunnu hava egin nøvn - ella nevnast eftir fótbóltsfeløgunum, har tey spæla.
- Eru trý ella fleiri gentulið til eina deild, so verður kapping hjá gentum eisini. Annars hava gentulið møguleika at leika við dreingjaliði, tó í einum yngri aldursbólki, um tær ynskja tað.
Kristian Poulsen sigur, at luttøkugjaldið fyri hvørt liðið er 500 krónur, og tað verður goldið, tá møtt verður til kappingina.
- Tilmelding fer fram við at ringja ella senda sms til Jan Andersen á tlf. 749060, og seinasta freist at melda til er mikudagin hin 25. januar klokkan 22, leggur Kristian Poulsen aftrat.
##med2##
