Reuters veit í kvøld at siga, at ukrainski forsetin, Volodymyr Zelenskyj, fer at hitta umboð fyri Evropa og USA í Berlin.
Í Týsklandi skulu umboð fyri londini tosa um grundarlagið fyri friði, sum tíðindastovan málber seg.
Ukrainski forsetin sigur, at landinum tørvar "virðiligan" frið og trygd fyri, at Russland, sum leyp á í februar í 2022, ikki fer at leypa á aftur.
Fyrr í dag søgdu umboð úr Týsklandi, at landið skal verða vertur fyri einari ukrainskari og amerikanskari sendinevnd, sum fer at røða um vápnahvíld.
Sambært Reuters verður ukrainski forsetin í Berlin mánadagin.
