Eyðun Klakstein og Atli Gregersen hava úttikið U21-landsliðið, sum skal spæla móti Andorra á útivølli 17. oktobur. Talan er um sama hópin, sum var úttikin til dystirnar móti Hvítarusslandi og Kroatia.
Føroyar byrjaðu EM-undankappingini móti júst Andorra. Tað endaði við javnleiki 2-2. Síðani hevur føroyska liðið vunnið á Hvítarusslandi og tapt 4-2 móti Kroatia. Vit plaga at meta, at eitt føroyskt lið skal vinna á Andorra, men Atli Gregersen mælir til at ikki undirmeta mótstøðuliðið.
- Vit mugu ikki halda, at vit bara vinna á Andorra. Teir hava spælt tvær feðir javnt móti Hvítarusslandi og góvu Grikkalandi skarpan gang. Teir eru við í øllum dystunum, sum teir spæla, sigur hjálparvenjarin á U21-landsliðnum.
Hann letur tó væl at, at tað er mál í øllum teimum fremstu spælarunum á føroyska liðnum. Jørgen Nielsen, B68, og Gutti Dahl-Olsen, EB/Streymur, hava bæði skotið mál í Betri deildini og á U21-landsliðnum. Olaf Bárðarson og Poul Kallsberg hava báðir skorað fyri Víking í seinastuni og Áki Samuelsen, HB, hevur fyrr í ár verið týðandi fyri HB-liðið.
- Tað er týdningarmikið fyri eitt lið at hava fleiri spælarar við málum í sær. Tað hava hesir, sigur Atli Gregersen.
Dysturin millum Andorra og Føroyar verður 17. oktobur.
Hópurin:
Ari Petersen, 07 Vestur
Rasmus Nilsson, BK Frem (Danmark)
Áki Johannesen, B68 Toftir
Børge Petersen, KÍ Klaksvík
Elias Rusborg, Hvidovre IF (Danmark)
Bergur Poulsen, EB/Streymur
Ási Dam, 07 Vestur
Jákup Vilhelmsen, KÍ
Noah Hans Mneney, Bryne BK (Noreg)
Gullbrandur Øregaard, Sandnes ULF (Noreg)
Aron Jarnskor Ellingsgaard, Víkingur
Heini Fossdalsá Sørensen, Thisted FC (Danmark)
Jens Erik Bruhn, TB Tvøroyri
Jónas Warner, B71 Sandur
Áki Samuelsen, HB Tórshavn
Olaf Bárðarson, Víkingur
Jørgen Nielsen, B68 Toftir
Gutti Dahl-Olsen, EB/Streymur
Poul Kallsberg, Víkingur
