Leygardagin spældi nýggja liðið hjá landsliðsmálverjanum, Anniku Fríðheim Petersen, MKS Gniezno fyrsta kappingardystin í bestu pólsku hondbóltsdeildini.
Gniezno tapti á heimavølli 21-25 fyri Piotrcovia, ið var á odda 13-9 í steðginum.
Annika slapp upp í part, og bjargaði hon tríggjar av níggju málroyndum ta løtuna hon var á vøllinum. Kappingarneytin, Aleksandra Hypka bjargaði seks av 23 málroyndum.
Týskvøldið klokkan 19.15 spælir MKS Gniezno dyst á útivølli móti Start Elblag.
