Eftir øllum at døma heldur amerikanski forsetin ikki nógv um svarið úr Iran til eina loysn av krígnum millum USA og Iran.
Á sínum egna sosiala miðli í kvøld skrivar amerikanski forsetin, Donald Trump, at honum líkar ikki svarið úr Iran.
- Tað kann slett ikki góðtakast!
Forsetin sigur tó einki um innihaldið í svarinum, sum Iran hevur sent USA umvegis meklaralandið, Pakistan.
Fyrr í dag frættst, at Iran hevði latið USA eitt mótuppskot til eina avtalu landanna millum.
- Við hesum grundarlagi kunnu samráðingarnar miðja eftir, at ein endi fæst á krígnum, segði eitt talsfólk fyri iranska uttanríkisráðið í dag.
Tað var almenna iranska tíðindatænastan, Irna, sum bar hesi tíðindi úr Iran í dag.
