Iranska tíðindastova, Tasnim, sigur, at Iran í einum friðaruppskoti við USA eitt nú vil hava, at revsitiltøkini móti iranska oljuídnaðinum fyribils verða tikin av.
Keldur, sum ikki vilja vera navngivnar, siga við Tasnim, at Iran vil hava USA at steðga øllum revsitiltøkum móti iranskum oljuútflutningi í ein mánað.
Svarið úr Iran upp á friðaruppskotið hjá USA er sent um meklaralandið Pakistan í dag, og lítið er annars frætt um, hvørji krøvini hjá Iran eru.
