Trump tørvar ikki hjálp frá Xi fyri at vinna á Iran

Amerikanski forsetin, Donald Trump, sigur, at hann fer at hava eina drúgva samrøðu við kinesiska forsetan, Xi Jinping, um kríggið í Iran.

Men hann sigur eisini, sambært Reuters, at hann ikki hevur brúk fyri hjálp frá Xi.

– Eg haldi ikki, at vit hava brúk fyri hjálp við Iran. Vit fara at vinna so ella so, sigur Trump.

Útsøgnin kom stutt áðrenn hann fór umborð á forsetaflogfarið, Air Force One, fyri at flúgva til Kina.

Hetta er fyrstu ferð, at Trump vitjar í Kina síðani 2017.