Í løtuni eru seks partrolarapør til fiskiskap, men sagt verður, at fiskiskapurin eftir upsa er smáligur.
- Tveir djúpvatnstrolarar fiska svartkalva og koma inn at landa fyrst í vikuni. Tveir liggja við bryggju.
Soleiðis siga tey á Fiskamarknaði Føroya um gongdina hjá partrolarum og djúpvatnstrolarum í løtuni.
Av teimum smáu trolbátunum, eru tveir til fiskiskap norðanfyri. Teir fáa mest av toski, hýsu og so nakað av flatfiski.
- Trolbátarnir koma báðir inn at landa í næstu viku.
Tvey garnaskip fiska svartkalva, og skipini hava brúkiligan fiskiskap.
- Bæði garnaskipini koma inn at landa í næstu viku, siga tey á Fiskamarknaði Føroya um rávøruútlitini fyri næstu dagarnar.
