VIDEO: Meinhard og GAIS sigraðu

Tað hevur verið eitt spennandi summar hjá Meinhardi Egilssyni Olsen. Hann var fyrst partur av B36-liðnum, sum vann seg víðari í undanumfarinum í Europa League. Síðani skifti hann til svenska GAIS í næstbestu deildini og bleiv tveittur fyri leyvurnar í grannauppgerð í Gøtuborg.

Síðani var hann úttikin til landsliðið og spældi frá byrjan á fyrsta sinni. Um vikuskiftið byrjaði hann inni, tá GAIS vann 3-1 GIF Sundsvall. Á Gamla Ullevi skuldi GAIS hevna 3-0 tapið fyri GIF Sundsvall frá seinast og tað bleiv gjørt við 3-1 sigri.

“Trý væl uppiborin stig”, skrivar GAIS á heimasíðuni hjá felagnum. Meinhard E. Olsen spældi á høgra vongi í 86 minuttir. Við sigrinum hevur GAIS vunnið seg upp um niðurflytingarstrikuna.

GAIS - GIF Sundsvall 3-1 (1-1)

0-1 Dennis Olsson, 9

1-1 Ricky Yarsuvat, 22

2-1 Adnan Maric, 55

3-1 Julius Lindberg, 59 

GAIS (4-2-3-1):

Mathias Karlsson – August Wängberg, Calle Elfgren Nyström, Charlie Weberg, Niclas Andersen – Boris Lumbana, Adnan Maric – Julius Lindberg ( Fredrik Martinsson, 82), Mervan Celik, Meinhard Olsen (Jesper Brandt, 86) – Ricky Yarsuvat (Haris Cirak, 82)

HER ber til at síggja hæddarpunktini frá dystinum: 

##med2##