Í minsta lagi trý fólk lótu lív og fleiri enn 30 vórðu særd, tá russar - enn einaferð - lupu á eina keypsmiðstøð, hesaferð í ukrainska býnum, Pavlohrad.

Hetta hendi á alljósum degi í dag, meðan gøturnar vóru fullar av fólki.

Guvernørurin í Dnipropetrovsk, Oleksandr Ganja, sigur, at umframt tey deyðu og særdu, fingu keypsmiðstøðin og akfør nærindis stórar materiellar skaðar í álopinum.

Seinastu tíðina hava russar lopið á fleiri keypsmiðstøðir í Ukraina, og so seint sum í gjár varð eisini ein keypsmiðstøð í ukrainska býnum, Sumy, álopin.

Í russiska álopinum á keypsmiðstøðina í Sumy lótu fimm fólk lív, vita útlendskir miðlar at siga í kvøld.