Føroyingaliðini, GOG og Füchse Berlin spældu fyrstu dystirnar í ársins útgávu av Champions League í kvøld.

Á útivølli í Lissabon í Portugal taptu Óli og liðfelagarnir í GOG greitt 33-43 fyri Sporting, ið hevur brøðurnar Martim og Francisco Costa á liðnum. Í steðginum var Sporting á odda 21-13.

Óli gjørdi tó sítt. Hann skoraði átta mál upp á 10 málroyndir, og hann legði eisini upp til fýra mál. Óli var toppskjútti og hevði nógv flest málstig av leikarunum hjá GOG.

Martim og Francisco Costa skutu ávikavist 11 og níggju mál, og vóru saman við Óla tann stóra upplivingin hjá áskoðarafjøldini í Lissabon.

Sporting og Szeged hava tvey stig hvør, meðan GOG og Kristianstad einki stig hava.

Füchse Berlin vann í útidysti í bólki A greiðan 44-33 (23-15) sigur á Partizan Beograd.

Leo Prantner var á høgra veingi hjá Füchse Berlin í kvøld. Og hann gjørdi tað gott við at skjóta sjey mál upp á átta málroyndir.

Füchse Berlin og Veszprem hava tvey stig hvør, meðan Porto og Partizan Beograd einki stig hava.