Hetta vikuskiftið vóru trý føroyingalið í leiki í næstbestu donsku hondbóltsdeildini hjá kvinnum.
Liðið hjá Silju G. Eystberg, Vár og Lív Zachariasen, Ajax misti oddasessin, tá tær á útivølli taptu 25-29 fyri Aarhus. Í steðginum var støðan javnleikur 12-12.
Silja skoraði fimm mál, og var saman við Guro Husebø og Natascha Wollesen toppskjútti hjá Ajax. Lív skoraði tvey mál.
Ajax er nummar trý í deildini við 16 stigum. AGF er fremst við 18 stigum.
Ígjár vann liðið hjá Rannvá Olsen, Ejstrup/Hærvejen á útivølli 28-22 (15-10) á liðnum hjá Christinu Arge, Hadsten. Rannvá var noterað fyri eitt mál.
Ejstrup/Hærvejen er nummar seks í deildini við 12 stigum. Hadsten er nummar níggju við 10 stigum.