Ein bilførari varð tikin fyri rúsdrekkakoyring í miðbýnum í Havn klokkan trý í nátt. Sambært vaktleiðaranum varð bilurin steðgaður í einari vanligari ferðslukanning.
Náttin var annars rímiliga friðarlig, sigur vaktleiðarin. Seint í gjárkvøldið tók løgreglan ein persón inn at sova rúsin av sær, eftir at viðkomandi hevði verið til ampa í Havn.
Í nátt fór løgreglan eisini út í tveimum førum, har fólk vóru til ampa og ikki vildu gera eftir boðum. Í báðum førum vórðu fólk burturvíst.