- Nú ber til at síggja eitt talgilt yvirlit yvir allar gravirnar í kirkjugarðinum í Líðini.

Soleiðis siga tey í Vágs kommunu, sum hevur tveir kirkjugarðar – gamla kirkjugarðin og so nýggja kirkjugarðin í Líðini.

- Í nýggja kirkjugarðinum hevur kommunan nú ment eitt talgilt yvirlit yvir allar gravirnar.

Víst verður á, at í yvirlitinum sæst eitt nú, hvør er grivin hvar, nær viðkomandi er farin, og hvørjar gravir eru avlagdar.

- Tó sæst ikki, hvør hevur avlagt gravirnar.

Í Vágs kommunu vóna tey, at talgilda gravaryvirlitið kann vera til hjálpar hjá fólki, sum ynskja at vitja gravir hjá avvarðandi.

Talgilda yvirlitið sæst her.

Har er eisini meira at lesa um heimasíðuna hjá Vágs kommunu, eins og her er meira kunning um kirkjugarðar og jarðarferðir.