Andrias Edmundsson var liðskipari, tá lið hansara, Hellas Verona spældi dyst á útivølli í Seriu B móti Modena.
Heimaliðið legði seg á odda 1-0 í trettandi minutti. Men tá klokkan vísti 28 minuttir hevði Daniel Mosquera við tveimum málum lagt Verona á odda 2-1.
Andrias og liðfelagarnir vóru á sigurskós, men í 77. minutti fær Andrias seinna gula kortið, tí dómarin metti hann hevði rakt bóltin við hondini. Andrias skilti ikki avgerðina av røttum.
Eftir tað var hart trýst á málið hjá Verona. Heimaliðið javnaði í 85. minutti, og skoraði ólukkutíð sigursmálið til 3-2 í 95. minutti.
Frá Sofascore fær Andrias karakterin: 7,3 (av 10 møguligum) fyri leikliga avrikið.
Hellas Verona er nummar níggju í deildini við sjey stigum.
Fríggjakvøldið klokkan 19.30 er dystur á heimavølli á skránni. Tá kemur Catanzaro á vitjan.
