– Eg eri góður við Mykines, men koyristólar hava onga atgongd, og barnavognar heldur ikki. Tað er næstan ikki fyri gangandi heldur.

Soleiðis sigur Kaj Leo Holm Johannesen, formaður í felagnum Koyristólur skerdur førleiki, í einari áheitan um at bøta um atkomuna í Mykinesi.

Hann vísir á forðingar á einum strekki umleið 50 metrar niðri til vinstru av gøtuni og harmast um viðurskiftini hjá fólki í koyristóli og øðrum við skerdum førleika.

Áheitanin er bæði til kommununa og brekumboðið um at taka málið upp.

Boðskapurin frá felagnum er ein vinarlig áheitan um at fáa viðurskiftini í rættlag, so fleiri kunnu fáa atgongd til útoyggjarnar.

– Gott í tykkum, fáið hetta gjørt, heitir Kaj Leo Holm Johannesen á.