Sambært russisku tíðindastovuni Interfax upplýsir russiska verjumálaráðið, at Russland seinasta samdøgrið hevur skotið 57 ukrainskar dronur niður. Tað skrivar Reuters.
Russiskir hermenn hava "svarað í sama stíli" ukrainsku tiltøkunum við at fremja álop við rakettum og mortergranatum, upplýsir ráðið.
Ukraina hevði áður ákært Russland fyri at hava framt dronuálop og nærum 150 samanbrestir á vígvøllinum hóast vápnahvíld.
Reuters fekk ikki staðfest fráboðanirnar um bardagarnar.
Amerikanski forsetin, Donald Trump, boðaði fríggjadagin frá, at vápnahvíld verður í tríggjar dagar millum Ukraina og Russland frá leygardegnum.
/Ritzau/
