Nýggjasta Image of the Day hjá Copernicus vísir útbreiddu skógareldarnar, sum í hesum døgum herja í Indonesia.
Myndin er tikin av Sentinel-fylgisveininum og vísir serliga stóru eldsbrunarnar á oyggjunum Sumatra og Kalimantan (indonesiski parturin av Borneo), har bæði skógur og torvmýrur brenna.
Sambært Copernicus og Reuters eru eldarnir nógv versnaðir av einum sterkum El Niño, sum hevur ført við sær óvanliga heitt og turt veður. Í juli brunnu nærum 95.000 hektarar, og í august vórðu skrásett meira enn 9.000 eldar. Kolevnisútlátið frá eldunum er komið upp á 17,1 milliónir tons seinastu vikuna – 429 prosent omanfyri miðaltalið fyri árstíðina.
Roykurin frá eldunum hevur breitt seg langt út um Indonesia og hevur eisini rakt grannalond sum Malaysia, har ring luftgóðska hevur elvt til skúlasteðg og heilsutrupulleikar.
Torvmýrurnar gera arbeiðið at basa eldunum serliga trupult. Eldurin kann brenna niðri í jørðini í langa tíð, hóast yvirflatan sær út til at vera sløkt. Myndugleikarnir brúka bæði sløkkiflogfør, vatnbumbing og skýfræing (ein háttur at royna at fáa skýggj at geva meiri regn) fyri at royna at avmarka eldarnar, men væntað verður, at september verður ringasti mánaðurin.
Copernicus brúkar Sentinel-fylgisveinairnar til at fylgja við skógareldum, royki og luftgóðsku kring allan heim. Myndirnar geva myndugleikum og granskarum eitt neyvt yvirlit yvir útbreiðsluna og hjálpa til við tilbúgving og sløkking.
