Klokkan 12 í dag varð latið upp fyri tilmelding á hestkeiðið 2027 og várskeiðið 2028 á Ítróttaháskúlanum í Suðuroynni.
Og tað tók bara fimm minuttir, so hevði Ítróttaháskúlin fingið 250 umsóknir.
Pláss er í dag fyri 48 næmingum á hvørjum skeiði.
Hóast hetta kann tykjast sum langtíðarætlan, so er tað so, at áhugin fyri at sleppa á skúlan, ið er staðsettur í Vági, er sera stórur, og ætlar ein sær á Ítróttaháskúlan, so er neyðugt at vera í góðari tíð.
-Tá eftirspurningurin er so stórur, eigur politiska skipanin eisini at tora at hugsa størri, sigur Miriam Jannit Norðberg, leiðari á Ítróttaháskúlanum.
-Tá ein ítróttaháskúli fær meira enn 250 tilmeldingar eftir bert fimm minuttum, er tað trupult at siga annað enn, at tørvurin er stórur, metir leiðarin á Ítróttaháskúlanum.
-Vit hava í dag pláss til ein avmarkaðan part av teimum ungu, sum ynskja at koma á Ítróttaháskúlan. Tað er ikki manglandi áhugi, sum forðar okkum í at taka fleiri inn – tað er okkara kapasitetur, sigur Miriam J. Norðberg.
Vit síggja hvønn dag, hvussu nógv ein ítróttaháskúli kann geva ungum fólki. Bæði menniskjaliga, sosialt og í mun til ítrótt og felagsskap, sigur Miriam.
-250 tilmeldingar uppá fimm minuttir. Tað er ikki bara ein succes-søga hjá Ítróttaháskúlanum. Tað er ein áminning til okkum øll um, at ung vilja hava ítrótt, felagsskap og háskúlalív. Nú mugu vit og tann politiska skipanin arbeiða fyri, at karmarnir fylgja við, soleiðis at vit kunnu útbyggja tað, sum vit hava fingið at riggað so væl her suðuri, sigur Miriam Jannit Norðberg.
Herfyri var arkitektakapping, har tað í apríl varð kunngjørt, at MAP arkitektar áttu vinnandi uppskotið til nýggjan skúlaygning til Ítróttaháskúlan.
##med2##
##med3##
##med4##
##med5##
##med6##
##med7##
