Klokkan umleið 15 varð hitin máldur til 37,0 stig í Ødum norðan fyri Aarhus, upplýsir danska veðurstovan DMI.
Harvið varð gamla landsmetið frá 1975, tá 36,4 stig vórðu mátað í Holstebro, tikið.
Longu fyrr á degnum var metið hótt. Fyrst vórðu 36,6 stig mátað norðan fyri Odense, og áðrenn tað varð eisini nýtt junimet sett, tá hitin á flogvøllinum H.C. Andersen Airport norðan fyri Odense náddi 35,8 stigum.
Hitabylgjan kemur beint eftir eina metheita nátt. Á Fanø fall hitin ongantíð niður um 22,5 stig, og tað er heitasta juninátt, sum er skrásett í Danmark.
DMI væntar, at hitabylgjan heldur fram til sunnukvøldið.
