Fert tú á ólavsøku í ár?
- Ja, eg fái ein part við av ólavsøkuni í ár.
Tað sigur Ivan Skorheim, og hann leggur aftrat:
- Vit fingu eina abbadóttir, sum skuldi koma síðst í august, men hon kom longu 26. juni. Alt hevur gingið væl, so vit hava verið niðri í Keypmannahavn og passað eldra beiggjan hjá henni.
Ivan Skorheim sigur, at hann kom heimaftur úr Danmark hin 27. juli.
- Eg skal umborð aftur og til arbeiðis í dag, 29. juli, so eg fái ein part við av ólavsøkuni í ár.
Hann vísir á, at tá hann er heima, er hann altíð ein túr á ólavsøku - og hann dylur ikki fyri, at honum dámar at vísa síni føroysku klæðir í havnargøtum.
Hvat heldur tú er tað besta við tjóðarhátíðini?
- Tað, sum mær dámar best og sum eftir mínum tykki hoyrir til eina ordiliga ólavsøku , er midnáttarsangurin.
Eitt annað, sum eisini hoyrir ólavøkuni hjá Ivani Skorheim til, og sum eisini ger hátíðina til tað, hon er, er nátturðin ella máltíðin eftir kappróðurin ólavsøkuaftan.
- Í nógv ár vóru tað Antenes konan Maria, sum bjóðaði til ein betri bita. Tey seinnu árini hevur tað verið dóttirin, Marjun og maður hennara, sum hava tikið yvir. Tey búgva á somu gøtu, tætt við býin.
Er okkurt, tứ saknar viờ ólavsøkuni?
- Nei, tað haldi eg ikki. Av og á kann man sakna tað góða veðrið, sigur Ivan brosandi.
Minnist tú onkra ólavsøku fram um aðrar?
- Ikki sum so, men kanska kortini. Minnist ólavsøkuna fyri fáum árum síðan, sum var so heit, at øll, sum vóru í føroyskum klæðum, vóru noydd at bera troyggjurnar, tí tað var ov heitt at vera í troyggju hesa løtu.
Ivan Skorheim vísir á, at tey um ólavsøkutíð í fjør vóru kampingtúr í Evropa í fimm vikur, har tey vitjaðu í heili 10 londum, Danmark, Týsklandi, Hálandi, Belgia, Luxembourg, Fraklandi, Sveis, Lichtenstein, Eysturríki og Kekkia.
- Á ólavsøku í fjør vóru vit stødd í Sveis, har vit ótu turran fisk, turra grind og lakasaltað spik. Her var øll mín nærmasta familja, míni foreldur, okkara børn við makum og barnabørn - ella trý ættarlið á ferð.
At enda ynskir Ivan Skorheim øllum eina góða ólavsøku.
Lesið eisini: Kona mín fann meg á ólavsøku
https://www.in.fo/news-detail/kona-min-fann-meg-a-olavsoeku
##med2##
