Í kvøld leikti liðið hjá Stefani Radosavljevic, Sligo Rovers seinasta dystin í bestu írsku fótbóltsdeildini hetta kappingarárið.
Annan dystin á rað fekk Stefan ikki spælitíð, tá Sligo á heimavølli endaði kappingarárið við einum 0-2 (0-1) tapi fyri St. Patrick´s.
Sligo endaði á einum sætta plássi við 49 stigum. Sligo hevur 10 stig upp til triðja plássið, ið gevur rætt til at kappast í Conference League undankappingini komandi kappingarár. Á triðja plássinum er júst St. Patrick´s við 59 stigum.
Stefan skoraði einki mál fyri Sligo hetta kappingarárið. Hann stendur bara noteraður fyri eitt upplegg til mál.
Stefan fekk spælitíð í 15 av teimum 36 dystunum Sligo leikti í deildini hetta kappingarárið. Í fitt av dystum hevur talan verið um avmarkaða spælitíð til Stefan.
