Loksins gjørdi Elias Ellefsen á Skipagøtu comeback fyri THW Kiel.
Í kvøld fekk Elias sín fyrsta dyst í týsku bundesliguni hetta kappingarárið, tá THW Kiel á heimavølli í Wunderino-høllini tók móti Potsdam.
Kiel vann dystin 27-23 aftaná at hava verið á odda 13-11 í steðginum.
Elias skoraði eitt mál upp á fýra málroyndir.
Kiel er nummar fýra í deildini við 10 stigum fyri sjey dystir.
Fyrr í kvøld taptu Hákun West av Teigum og liðfelagarnir í Füchse Berlin 31-33 (13-16) fyri oddaliðnum, MT Melsungen á útivølli.
Hákun fekk ein málmøguleika og hann setti hann í netið.
Füchse Berlin er nummar trý í deildini við 10 stigum fyri sjey dystir.
Í morgin klokkan 14 taka Vilhelm Poulsen og liðfelagarnir í Hannover-Burgdorf móti liðnum hjá Jóhan á Plógv Hansen, Flensburg-Handewitt í ZAG Arena í Hannover.
Hannover er næstfremst í deildini við 10 stigum, meðan Flensburg á sjeynda plássinum hevur níggju stig.