Tað gongur framúr væl hjá føroyska landsliðsmálverjanum, Paula Jacobsen og liðfeløgunum í HØJ.
Aftaná sjey tey fyrstu umførini hevur HØJ fult stigatal, 14 stig. Og er HØJ oddalið í næstbestu donsku hondbóltsdeildini. Skive er nummar tvey við 12 stigum.
Í dag vann HØJ 32-29 (16-14) á Rækker Mølle í Jyllinge-høllini. Tíverri eru eingi hagtøl tøk fyri málverjar í næstbestu donsku hondbóltsdeildini.
Bogi Hansen, Janus Dam Djurhuus, Leivur Mortensen og liðfelagarnir í FIF vunnu í Opvisning høllini á Frederiksberg 32-25 (16-14) á Faaborg.
Bogi, Janus og Leivur skutu trý mál hvør.
Talan var um annan sigurin á rað hjá FIF, ið liggur á einum níggjunda plássi við seks stigum.
Lemvig-Thyborøn uttan Kjartan Johansen á liðnum leikti á heimavølli javnt 25-25 (10-12) móti Tønder. Lemvig-Thyborøn er triðfremst í deildini við níggju stigum.
Mánakvøldið klokkan 18 spæla Teis Horn Rasmussen, Peter Krogh og liðfelagarnir í HC Aarhus móti Midtjyllandi á útivølli.
