Amerikanski filmsleikstjórin David Lynch er deyður. Tað skrivar familja hansara á hansara Facebook-vanga í dag, og av tí sama bera miðlar í øllum heiminum hesi tíðindini.
Hann bleiv 78 ár.
David Lynch hevur gjørt nógvar filmar og er millum annað kendur fyri sjónvarpsrøðina Twin Peaks, sum hann eisini spældi við í sum sjónleikari.
Eisini hevur hann gjørt filmarnar "Blue Velvet" og "Mulholland Drive".
Hann hevur eisini gjørt tónleik, myndlist og skrivað, og hann varð tí roknaður sum ein fjøllistamaður.
Í august í fjør fortaldi hann, at hann hevði lungnasjúkuna emfysem.
