Tað sigur Gunnar Gislason, granskingarleiðari í donsku Hjartafelagnum.
Christian Eriksen hevur eina sokallaða ICD-eind innsetta. Hon kann bæði royna at rætta eina ov skjóta hjartarútmu við elektriskum impulsum og í summum førum geva ein kraftigan stoyt.
– Tað kann vera rættiliga ógvusligt fyri persónin, tí tað er sum at fáa stoyt frá einum vanligum hjartastartara, sigur Gunnar Gislason.
Enn er ikki greitt, hví Eriksen í kvøld small um undir venjingardystinum móti Ukraina í Odense.
Danski fótbóltsspælarin hevur tað tó eftir umstøðunum gott, upplýsa danskir myndugleikar.
Hendingin hevur vakt stúran, tí tað eru umleið fimm ár síðani, at Christian Eriksen fekk hjartasteðg undir EM-dysti móti Finnlandi í Parkini, skrivar Ritzau.
