Fólk í norska høvuðsstaðarøkinum hava havt møguleikan at sæð HM-dystirnar hjá norska fótbóltslandsliðnum á tjóðarleikvøllinum, Ullevaal í Oslo.
Heili 35.000 fjepparar vóru á tjóðarleikvøllinum fyri at síggja HM-áttandapartsfinaluna, tá Noreg vann 2-1 á Brasil.
Tiltakið verður tó ikki endurtikið í kvøld, tá Noreg klokkan 22 skal spæla HM-fjórðingsfinalu móti Onglandi á Hard Rock leikvøllinum í Miami.
Hesaferð verður tiltakið á Frogner leikvøllinum, har m.o. Lyn spælir sínar heimadystir.
Tó verður kapasiteturin munandi minni enn á Ullevaal leikvøllinum. Í kvøld sleppa "bara" 22.000 norskir fjepparar at síggja dystin saman á einum leikvølli. Ein niðurskurður upp á 13.000 áskoðarar.
