Í morgun var trónuskiftið í danska kongaríkinum hátíðarhildið í Fólkatinginum. Har bar danski forsætisráðharrin, Mette Frederiksen, boð frá Fríðriki kongi X til Fólkatingið.
Sum vant brúkti regenturin orðið »vi« um seg.
– Saman við Mary drotning vilja vit legga alla orku í at tæna øllum tí danska kongaríkinum í allari tíðini, okkum verður latin.
– Vónin er, at tað fer at lukkast okkum at gera nakað til gagns fyri allan ríkisfelagsskapin og at vinna fólksins álit, vóru boðini frá nýggja konginum.
Margretha drotning, sum í gjár legði frá sær eftir 52 ár sum regentur, var eisini í Fólkatinginum til hátíðarhaldið.
Forsætisráðharrin takkaði henni fyri arbeiðið, hon hevur gjørt fyri Danmark.
