Jóansøkan 2026 í Vági er farin framvið.
Skráin var rúgvusmikil, og ongum nýttist at keða seg. Eisini spældi veðrið væl við, og var av tí fagrasta meginpartin av jóansøkudøgunum.
Millum tiltøkini á jóansøku 2026 vóru jóansøkukonsert, og eisini nakað so forkunnugt, sum ein bókaframløga. Bókaframløgur eru ikki so ofta í útjaðaranum.
Bólkarnir á Jóansøkukonsertini í ár vóru Hvarv, Anfinn & Co og Páll Finnur Páll.
Tað var Óli Holm, ið fríggjadagin á jóansøku legði bókina "Far vestur á Eiðið" fram. Har lýsir hann fyrstu 100 árini hjá VB. Sjálvur hevur Óli Holm verið virkin í felagnum, bæði sum spælari og á annan hátt, og við sær til framløguna hevði hann Robert McBirnie, tónleikara, ið saman við Óla eisini leikti við VB.
Robert spældi nøkur løg, meðan fólk byrjaðu at savnast í hølunum hjá Biskupskeldu í Vági.
Óli las úr bókini, og saman sungu Óli og Robert. Robert undirhelt eisini við minnum frá tíðini sum leikari í VB, og fór hetta framfyri fullsettum hølum.
Eftir framløguna av bókini høvdu fólk møguleika at ogna sær signerað eintak av bókini.
##med2##
##med3##
##med4##
##med5##
##med6##
##med7##
##med8##
##med9##
