Nakrir amerikanarum vórðu bidnir um at spáa um heimin - ella rættari sagt USA - í fjarari framtíð, nevniliga í 2025.
Nú árið 2025 nærkast endanum, kann kanningin síggjast í skjalasavninum hjá Roper Center á Cornell universitetinum í New York, skrivar CNN.
Depilin fæst við meiningakanningar.
Tað eru fleiri plettskot. Tey flestu spáddu, at innan 27 ár hevði USA havt ein svartan forseta, og at samkynd hjúnalag fór at vera lógligt og vanligt.
Tey flestu ivaðust eisini í, at rúmdarferðir fóru at vera vanligar, og at fremmandar verur høvdu sett seg í samband við jørðina.
Soleiðis hevur heldur ikki verið.
Tveir triðingar av teimum spurdu hildu, at USA hevði havt ein kvinnuligan forseta. Helvtin helt, at tað fór at vera ein kurur móti krabbameini.
/Ritzau/
