Tað er eldur í einum ídnaðarøki í Salavat í Russlandi eftir eitt ukrainskt dronuálop í nátt.
Sagt verður, at eitt stórt oljureinsiverk er eisini í økinum, og verkið er partur av einum størri petrokemiskum ídnaðarøki.
Salavat liggur í russisku republikkini, Basjkortostan.
Tað er leiðarin í økinum, Radij Khabirov, sum skrivar um ukrainska álopið á boðtænastuni, Telegram.
Á myndini omanfyri sæst russiski forsetin, Vladimir Putin og leiðarin í Basjkortostan, Radij Khabirov.
