Í august vórðu 29 nýggj Toyota-akfør skrásett í Føroyum. Tað er næstan tvífalt so nógv sum Nissan, sum við 15 akførum var næstmest selda merkið í mánaðinum.
Volkswagen kom á triðja pláss við 12 nýggjum akførum, Brenderup hevði 10 og Mercedes-Benz og MG høvdu níggju í part.
Tølini frá Akstovuni fevna um øll nýggj akfør av hvørjum merki – sostatt ikki bara persónbilar, men eisini eitt nú vørubilar og onnur skrásett akfør.
Toyota greitt á odda í ár
Hyggja vit at fyrstu átta mánaðunum í 2026, er Toyota eisini greitt á odda.
Frá 1. januar til 31. august eru 212 nýggj Toyota-akfør skrásett. Renault er næst við 168, meðan Nissan er nummar trý við 131.
Síðani koma BMW við 111, Hyundai við 101 og Volkswagen við 100.
Talvan vísir hagtøl og samanberingar:
##med2##
Toyota hevur sostatt selt 44 akfør fleiri enn Renault higartil í ár og 81 fleiri enn Nissan.
Serliga merkisvert er eisini, hvussu væl Renault stendur seg. Renault er næstmest selda akfarsmerkið í Føroyum higartil í ár, hóast merkið ikki er millum tey tíggju mest seldu í august.
Akstovan hevur tøl fyri mest seldu akfarsmerkini heilt aftur til 2008, so gongdin kann eisini samanberast við undanfarin ár.
Toyota er mest selda akfarsmerkið í Føroyum bæði í august og higartil í 2026. Í august vórðu 29 nýggj Toyota-akfør skrásett, og higartil í ár er talið 212.
Kelda: Akstovan – mest seldu akfarsmerkini
