Í løtuni liggja trý týsk herskip á Havnini, harav seinasta skipið - og hitt størsta - júst hevur lagt til bryggju.
Á skrivstovuni hjá Tórshavnar Havn sigur Hanus Mikkelsen, havnarstjóri, at skipini keypa vanligar tænastur á Havnini, sum eitt nú bunkring og proviantering.
- Haraftrat sleppur manningin eisini at hvíla seg, sigur havarstjórin, sum í løtuni ikki dugir at siga, hvussu stórt samlaða manningartalið við skipunum er.
Tey trý týsku herskipini eru millum 90 og 139 metar long, og skipini eru hesi:
FGS Erfurt (umleið 90 metrar)
Koma: 16/5, klokkan 12.
Fráferð: 19/5, klokkan 10.
FGS Braunschweig (umleið 90 metrar)
Koma: 16/5, klokkan 09.
Fráferð: 19/5, klokkan 09.
FGS Brandenburg (umleið 139 metrar)
Koma: 18/5, klokkan 09.
Fráferð: 22/5, klokkan 09.
Av teimum trimum herskipunum, kom Brandenburg á Havnina fyri løtu síðan og verður, soleiðis sum skráin sigur, liggjandi til 22. mai.
- Fyri okkara viðkomandi er hetta ein vanlig skipavitjan, sigur havnarstjórin, Hanus Mikkelsen.
Spurdur, um skipini hava kjarnorku, sigur hann, at honum kunnugt hava tey ikki tað.
