Føroyar løgdu væl frá landi í innleiðandi bólki F í EM-endaspælinum fyri U18-manslandslið í hondbólti.
Í fyrsta dystinum í Serbia vunnu Føroyar greitt 38-31 á Finnlandi. Finnar bitu meira frá sær í fyrra hálvleiki, og í steðginum vóru Føroyar bert á odda 17-16.
Boas Ellefsen á Skipagøtu var við 13 málum toppskjútti, og hann var eisini valdur at vera dagsins leikari.
Jónas Fossábrúgv hevði við sjey málum eisini eitt gott avrik í dagsins dysti.
Í annaðkvøld klokkan 18.30 spæla Føroyar móti Spania. Portalurin stroymir dystin.
Føroyar-Finnland 38-31 (17-16)
Føroyar: Boas Ellefsen á Skipagøtu 13, Jónas Fossábrúgv 7, Axel Holm Simonsen 4, Jóan Petur Mortensen 3, Hugin Halgirsson 3, Gabriel Skeel Árnason 3, Mortan Eyðunarson 2, Teitur Poulsen Hellisdal 2, Teitur Bogason 1.
