Sunnudagin 12. juli, sum er komandi sunnudag, verður útimøti bæði í Saksun og Hvalvík.
- Fyrra møtið verður í Saksun klokkan 14, og síðan verður útimøti aftur í Hvalvík seinnapartin klokkan 16.
Hetta siga tey á heimasíðuni hjá Sunda kommunu, og tað er sonevndi útimøtibólkurin, sum kunnar um møtini.
Men, her verður ikki bara útimøti.
- Eftir møtið í Hvalvík verður høvi at savnast til hugnaliga samveru, har grillað verður, og her eru øll hjartaliga vælkomin.
Í útimøtibólkinum gleða tey seg til ein hugnaligan dag við nógvum fólki - bæði til útimøtini og grillingina.
