Fyri aðru ferð hetta kappingarárið var Viljormur Davidsen so óheppin at gera sjálvmál í dysti fyri Helsingborg í bestu svensku fótbóltsdeildini.
Helsingborg var á vitjan hjá Degerfors í dag. Tá 10 minuttir vóru farnir av dystinum var Viljormur so óheppin, at hann í einum nærdysti við ein áleypara hjá Degerfors kom at beina bóltin í egið mál. Degerfors økti til 2-0 tá 78 minuttir vóru farnir. Dennis Olsson minkaðu um munin til 2-1 í 89. minutti, men meir bleiv tað ikki til hjá Helsingborg.
Helsingborg er nú næstniðast í deildini við fimm stigum fyri níggju dystir.
Komandi leygardag spælir Helsingborg heimadyst móti Värnamo, ið liggur eitt stig omanfyri Helsingborg, og tí er talan um ein dyst sum Helsingborg helst skal vinna.
HER ber til at síggja hæddarpunktini frá dystinum Degerfors-Helsingborg 2-1 (1-0) :
##med2##
