Í kvøld var eitt ferðsluóhapp á Argjavegnum á Argjum. Tað var ein bilur, sum rendi í ein viðfestisvogn á einum øðrum bili. Óhappið hendi, tá bilurin við viðfestisvogninum kom koyrandi út eftir Argjavegnum og snaraði inn á ein síðuveg til vinstru. Harvið koyrdi hann tvørtur um koyribanan hjá mótkoyrandi bilinum. Hann var tó komin so langt, áðrenn stoytin, at bilurin var komin inn á síðuvegin, men bara ein partur av viðfestisvogninum.

Førarin á mótkoyrandi bilinum varnaðist eftir øllum at døma ikki viðfestisvognin og rendi í hann uttan at bremsa, segði eitt eygnavitni á staðnum.

Vognurin slitnaði úr bilinum, sum sleipaði hann, og fór bóltandi eftir vegnum. Bilurin fekk at síggja til ongan skaða, hann stóð eftir við stongini av vogninum hangandi á krókinum. Vognurin slongdist eftir venum og lá við hjólunum uppeftir.

Bilurin, sum rendi á viðfestisvogning fekk stóran skaða. Løgreglan tók nummarpláturnar av bilinum, og kranabilurin hjá Brandstøðini fór avstað við honum.