Tað er illveður og regn kring landið í dag, og bæði Bygdaleiðir og ymiskar kommunalar bussleiðir hava avlýst í dag.

Soleiðis er eisini í Klaksvíkar kommunu.

- Orsaka av nógva regninum eru avbjóðingar við at leiða regnvatnið burtur.

Tí heitir Klaksvíkar kommuna á borgarar um at halda seg burtur úr miðbýarøkinum fyribils.

- Innkoyringarnar við Føroya Tele, Betesda og Føroya Bjór eru stongdar, verður lagt aftrat.

Fyrr í dag boðaðu tey í Klaksvíkar kommunu eisini frá, at býarbussurin var givin at koyra.

- Býarbussurin koyrir ikki vegna veður, visti kommunan at siga.