info
Ongi úrslit

Føroysk línuskip rokfiska á Flemish Kap

Tvey av trimum frystilínuskipum eru nú á veg heim av Flemish Kap, har fiskiskapurin hevur verið góður.

Vilmund Jacobsen
17. juni 2022 kl. 14:02

Av trimum línuskipum, sum fiska føroysku toskakvotuna á Flemish Kap í ár, eru tvey teirra longu á veg heim og hava fingið sína kvotu, meðan skipið, sum eigur mest at fiska hesaferð, væntandi verður har yviri einar fimm dagar aftrat.

- Fiskiskapurin hevur verið góður, og nú vit seinnu árini hava verið har yviri bæði fyrst í árinum og nú eisini í mai og juni, vísir tað seg, at árstíðin er líkamikið. Her er nógvur fiskur, og her er nógvur og góður toskur.

Tað sigur formaðurin í Felagnum Línuskipum, sum eisini er reiðari á frystilínuskipinum, Eivindi, Hálvdan Gudmundsen.

Samlaða føroyska línukvotan á Flemish Kap er ikki nóg stór til, at tað loysir seg hjá øllum línuflotanum at fara hesa longu leið. Kvotan í ár er sløk 1100 tons, og tá eru 186 tons íroknað, sum Føroyar hava fingið í samráðingum við Bretland. 

Línuskipini, sum fiska kvotuna á Flemish Kap í ár, eru Klakkur, Jógvan I og Eivind.

- Eivind er á veg heim við 163 tonsum, harav meginparturin er toskur, fýra tons er kalvi, og tvey tons eru liri. Teir hava siglt í skjótt hálvt annað samdøgur, og vit rokna við, at heimferðin tekur eina viku.

Hálvdan Gudmundsen sigur, at fiskiskapurin á Flemish Kap hevur verið góður.

- Vit kundu havt gjørt túrin upp á styttri tíð, men vit hava eisini royndarfiskað fyri Havstovuna, og tá skulu vit flyta okkum og royna á ymiskum leiðum, meðan vit royndarfiska. 

Hann sigur, at Eivind tískil ikki hevur ligið við fullari framleiðslu hvønn dag, og seturnar á Flemish Kap hesaferð vóru 14 í tali.

- Klakkur er eisini á veg heim. Teir hava umleið 242 tons og fóru at sigla umleið hálvt annað samdøgur, áðrenn Eivind fór at sigla. 

Eftir á Flemish Kap av føroysku frystilínuskipunum er Jógvan I, og formaðurin í Línuskipum metir, at teir hava eini 200 tons í lastini. Jógvan I fiskar umleið 100 tons aftrat, áðrenn teir eisini fara at siga.

Spurdur, nær hann væntar, at Jógvan I stevnir henda vegin aftur, sigur Hálvdan Gudmundsen soleiðis:

- Fiskiskapurin er so mikið góður, at eg vænti, at teir fiska og frysta eini 20 tons um samdøgrið. So, um alt gongur væl, fiskar Jógvan I kanska í einar fimm dagar aftrat.

Hálvdan Gudmundsen sigur, at nøgdirnar, sum her eru nevndar hjá teimum trimum føroysku frystilínuskipunum, er tað, sum skipini hava fingið í lastina. Tað merkir, at hetta er kruvdur, avhøvdaður og frystur fiskur.

- Tað er lýggjari í veðrinum nú, enn tað er fyrst í árinum, og sjógvurin er eisini væl heitari. Tí verður eisini ansað eftir, at seturnar ikki gerast ov stórar, soleiðis at frystiorkan megnar at frysta fiskin undan, leggur hann aftrat.

 

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Landsstýrið black­list­ar 16 bygdi­r og bý­ir í Føroyum

Í gjár kl. 10:11

Eldur í á skipasmiðjuni á Skála

Í gjár kl. 18:14

Ókent ræðsluevni: Byrjaði at eta seg sjálvan

Í gjár kl. 14:27

Nøkur orð um skyldmannin Allan Enghamar

15. november kl. 17:35

Fyrrverandi NSÍ venjari er deyður

14. november kl. 17:37

Fleiri tíðindi

Tíðindi

Jólatrøini í Vága kommunu verða tendrað

0 minuttir síðan
Tíðindi

Kaj Leo um OL-málið: Eg royndi men ikki nóg mikið

10 minuttir síðan
Hondbóltur

VIDEO: Síggj Óla skjóta og leggja upp til mál móti Magdeburg

15 minuttir síðan
Tíðindi

Silja Strøm hevur vunnið útboð um listprýðing av auluni hjá TSK

30 minuttir síðan
Tíðindi

Karstin er nýggjur B36 málmansvenjari

39 minuttir síðan
Tíðindi

Maður drap unnustu og dóttur á Jútlandi

40 minuttir síðan
Tíðindi

Sendistovur í Kyiv raktar í russiskum álopi

58 minuttir síðan
Tíðindi

Lis til Suðurstreym

1 tími síðan
Hondbóltur

Dánjal var aftur á vøllinum fyri Fram

1 tími síðan
Tíðindi

Inga Beder 100 ár

1 tími síðan
Tíðindi

Linda Andrews útgevur nýggja heildarútgávu

2 tímar síðan
Fótbóltur

Hillerød fekk bank í Fredericia

2 tímar síðan