Randal Kolo Muani fer helst ongantíð at gloyma avbrennaran, sum franski áleyparin hevði í HM-endaspælinum í 2022. Tað kundi tryggjað Frankaríki sigur á Argentina og eitt HM-heiti. Í staðin vunnu argentinar HM-endaspælið við brotssparkskapping.
Men í kvøld fekk Randal Kolo Muani eitt slag av persónligari endurloysing, tá hann skoraði avgerandi málið, sum tryggjaði Fraklandi 1-0 sigur á Belgia og pláss í EM-fjórðingsfinaluni.
Randal Kolo Muani kom á vøllin í 62. minutti og hamraði bóltin í netið tá 85 minuttir vóru leiktir. Bólturin rakti belgiska verjuleikaran Jan Vertonghen, og hann snýtti Koen Casteels í málinum.
Koen Casteels hevði kastað seg og sá veruliga út til at hava tamarhald á málinum, men avrættingin gjørdi, at bólturin sigldi inn í tóma málið.
Áðrenn avgerandi málið hevði Frakland sum heild havt tað mesta av spælinum og megnaði eisini fleiri avslutingar enn Belgia.
Men tað var sjáldan, at tað gjørdist beinleiðis vandamikið framman fyri málinum, og belgiar vóru nøgdir við tey bæði nullini á máltalvuni.
Ólíkt Randal Kolo Muani vístu hinir fronsku framherjarnir ikki sama hvassleika.

Myndin er ikki tøk

Áleyparin Marcus Thuram hevði ein skallara í fyrra hálvleiki, meðan Kylian Mbappé var við í seinna hálvleiki.
Fraklendingurin, sum kláraði mest, var miðvallarin Aurelien Tchouameni, men ferð eftir ferð fóru langskotini yvir málið.
Hjá Belgia skuldi gandurin koma frá miðverjuskaparanum Kevin De Bruyne, og hann fekk eisini hótt franska málverjan Mike Maignan í fyrra hálvleiki.
De Bruyne var sera langt afturi á vøllinum meginpartin av dystinum, og haðani kundi hann ikki veruliga hjálpa teimum í belgiska álopinum.
Belgiski stjørnuspælarin, Romelu Lukaku, hevði møguleikan tá 70 minuttir vóru spældir, men tað miseydnaðist.
Tá 83 minuttir vóru leiktir, hevði De Bruyne møguleika at skora, men brendi aftur.
Í staðin skoraði Frakland í hinum endanum, og belgiar høvdu einki svar og mugu nú siga EM farvæl.
Frakland skal møta vinnaranum av dystinum millum Portugal og Slovenia í fjórðingsfinaluni.
/ritzau/