Teistin vann greiðan sigur, tá ið yngru dreingirnir kappaðust á norðoyastevnu. Líkindini at rógva kapp eru framvegis góð í Klaksvík, men tað er minni hugaligt hjá áskoðarunum, tí tað regnar illa.

Argjadreingir umborð á Teistanum løgdu seg beinanvegin fremst, og Teistin helt alla tíðina tørn um leiðsluna.

Á málinum var Teistin meiri enn eina bátslongd undan teimum næstu.

Firvaldur av Tvøroyri var greitt næstfremstur, og so var tað meiri enn ein bátslongd aftur til Báruna úr Hvalvík/Streymnesi.