Vatn í fløskum skal hjálpa teimum borgarum í Eiðis kommunu, sum framvegis mangla vatn úr krananum.

Tað boðar kommunan frá á Facebook, har hon hevur lagt eina mynd út av einum vørubili við nógvum pakkum av vatnfløskum.

– Tey ið enn mangla vatnveiting fáa nú vatn í fløskum, skrivar kommunan.

Samstundis verður upplýst, at arbeiðið við vatnveitingini heldur fram.

– Haldi okkum til góðar, skrivar kommunan.

Fleiri fráboðanir um vatntrupulleikar

Kommunan hevur eisini kunnað um trupulleikarnar á heimasíðu síni.

Í einari fráboðan, dagfestari 9. september og dagførdari leypandi, verður sagt, at vatnveitingin ikki virkar vegna áhaldandi avbjóðingar. Har verður arbeitt við at fáa hana støðuga aftur. Tað framgongur av heimasíðuni hjá Eiðis kommunu.

Eisini 27. august boðaði kommunan frá, at vatnleiðingin fyri størsta partin av Eiðis bygd var óstøðug. Tá varð somuleiðis arbeitt við at loysa trupulleikan, sambært fráboðanini frá kommununi.