Tað merkir, at fleiri fólk búðu á Karlamagnusarbreyt enn í 98 av teimum 119 bygdunum og býunum í hagtalsskipanini hjá Hagstovuni.
Við øðrum orðum hevði henda eina gøtan í Hoyvík fleiri íbúgvar enn góð 82 prosent av føroysku bygdunum.
Karlamagnusarbreyt er vaksin skjótt seinastu árini. Í uppgerðini við árslok 2023 búðu 467 fólk í gøtuni. Eitt ár seinni var talið komið upp á 550. Tað er ein vøkstur á 83 fólk ella sløk 18 prosent eftir einum ári.
Fólkaríkasta gøtan í Føroyum hevur sostatt á leið sama fólkatal sum ein miðalstór føroysk bygd.
Tá bygdartølini frá januar 2025 verða samanborin við tey 550 fólkini á Karlamagnusarbreyt, vóru bert 21 bygdir og býir størri enn gøtan. Hinar 98 vóru minni.
Millum støðini, sum tá høvdu færri íbúgvar enn Karlamagnusarbreyt, vóru millum annað Trongisvágur, Syðrugøta, Sandur, Skopun og Glyvrar.
Nýggjastu bygdartølini hjá Hagstovuni eru frá juni 2026. Síðan uppgerðina frá januar 2025 er Sandur vaksin upp um 550 íbúgvar. Um sama markvirði verður nýtt við nýggjastu tølunum, eru tí 97 bygdir og býir minni enn fólkaríkasta gøtan var við árslok 2024.
Einki nýggjari alment gøtutal er tøkt, og tí kann íbúgvatalið á Karlamagnusarbreyt vera broytt síðan seinastu uppgerðina.
Í 2013 var Millum Gilja í Hoyvík fólkaríkasta gøtan í Føroyum. Síðan hevur nógva íbúðarbyggingin á Karlamagnusarbreyt flutt fremsta plássið longur niðan í Hoyvík.
