Fólkatalið í bygdunum á Sandoynni vaks samanlagt við 35 fólkum frá 1. juli 2025 til 1. juli 2026.
Størsti vøksturin var á Sandi, har fólkatalið fór úr 538 upp í 565. Tað eru 27 fleiri íbúgvar og ein vøkstur á fimm prosent.
Í Skálavík vaks fólkatalið úr 164 upp í 174. Vøksturin var tíggju fólk, svarandi til 6,1 prosent.
Skopun misti ein íbúgva og fór úr 477 niður í 476. Í Húsavíkar kommunu minkaði fólkatalið eisini við einum. Dalur hevði sama fólkatal sum árið fyri, meðan Húsavík fór úr 64 niður í 63. Á Skarvanesi búðu framvegis níggju fólk.
Gongdin kemur eftir, at Sandoyartunnilin lat upp í desember 2023 og gjørdi Sandoynna part av fasta vegasambandinum.
Hagtølini kunnu ikki einsamøll staðfesta, at tunnilin er orsøkin til vøksturin. Tey vísa tó, at serliga Sandur og Skálavík hava havt greiðan fólkavøkstur seinasta árið.
Kelda: Hagstova Føroya
