Málningurin, sum eitur “Selvportræt, siddende ved staffeliet på Skagen strand” frá 1902, varð seldur fyri 1,29 milliónir dollarar – svarandi til umleið 8,3 milliónir krónur.
Tað er hægsta upphæddin, sum nakrantíð er goldin fyri ein Krøyer-málning, skrivar Dagbladet Børsen.
Málningurin varð seldur hjá altjóða uppboðshúsinum Phillips og var frammanundan mettur at verða verdur millum tvær og tríggjar milliónir krónur.
– Nýtt heimsmet er ikki gerandiskostur, sigur Kirsten MacDonald, sum er økisstjóri hjá Phillips í Skandinavia.
P.S. Krøyer livdi frá 1851 til 1909 og var ein av kendastu Skagensmálarunum í Danmark. Hann er serliga kendur fyri sínar ljósu strandarmyndir úr Skagen.
##med2##
