Gullbrandur í Horni Øregaard var sum vant liðskipari, og Olaf Bárðarson spældi seinasta hálva tíman, tá Sandnes ULF spældi dyst á útivølli móti Åsane í næstbestu norsku fótbóltsdeildini.
Åsane liggur aftast í deildini, og tí vóru vónirnar ikki sørar hjá Sandnes at fáa stig í kvøld. Men soleiðis gekk ikki. Åsane vann dystin 2-0. Heimaliðið skoraði fyrra málið í tíðini dómarin hevði lagt aftrat í fyrra hálvleiki, og teir skoraðu seinna málið í yvirtíðini í seinna hálvleiki. Tað hjálpti ikki Sandnes, at Kaloyan Kalinov Kostadinov fekk reyða kortið, tá eitt lítið korter var eftir av vanligu leiktíðini.
Sandnes er nummar 11 í deildini við sjey stigum. Teir eru bert trý stig frammanfyri gamla liðnum hjá Hera Hjalt Mohr, Strømmen, ið er næstaftast við fýra stigum.
Annan hvítusunnudag klokkan 16 kemur Sogndal á vitjan á Øster Hus Arena leikvøllinum í Sandnes.
