Pætur Mikkjalsson og liðfelagarnir í Team Sydhavsøerne hava framvegis fult stigatal aftaná tveir teir fyrstu dystirnar í næstbestu donsku hondbóltsdeildini.
Í kvøld vunnu suðuroyggjamenn á útivølli 29-26 á liðnum hjá Juliani J. Kragesteen, Køge. Í steðginum var Team Sydhavsøerne á odda 17-15.
Køge hevur tvey stig fyri tveir dystir.
Rói Ellefsen á Skipagøtu og liðfelagarnir í Aarhus hava enn fyrsta stigið til góðar í kappingini.
Í kvøld tapti Aarhus á heimavølli 28-32 fyri HC Midtjyllandi. Í steðginum var støðan javnleikur 15-15.
Rói var noteraður fyri trý mál.
Í morgin klokkan 13 hava Kjartan Johansen og liðfelagarnir í Vendsyssel dyst á heimavølli móti Grindsted.
