Skúlin er undir umbygging, og tí verður fimleikurin í Vestmanna komandi árið ikki bert í ítróttarhøllini. Nakrir av yngru og eldru fimleikabólkunum skulu nevniliga venja í missiónshúsinum.
Tað sæst í kunningini frá fimleikafelagnum um venjingarnar komandi árið. Felagið skrivar, at tillagingar eru gjørdar, tí skúlin er undir umbygging.
Gentur, sum eru fýra til seks ára gamlar, skulu venja í missiónshúsinum týsdagar klokkan 17.30. Gentur í 4. og 5. flokki skulu eisini í missiónshúsið týsdagar, meðan gentur í 6. og 7. flokki venja har mánadagar.
Hinir bólkarnir halda til í ítróttarhøllini. Gentur í 3. flokki venja har mánadagar, og gentur í 1. og 2. flokki mikudagar.
Sostatt verður missiónshúsið komandi árið karmur um bæði andaligt virksemi og lop, rull og aðrar fimleikavenjingar.
Venjingartíðirnar
Missiónshúsið:
- Gentur 4–6 ár: týsdag kl. 17.30–18.30
- Gentur í 4.–5. flokki: týsdag kl. 16.30–17.30
- Gentur í 6.–7. flokki: mánadag kl. 17.00–18.00
Ítróttarhøllin:
- Gentur í 3. flokki: mánadag kl. 13.30–14.30
- Gentur í 1.–2. flokki: mikudag kl. 14.30–15.30
