Filmsjónleikarin Raquel Welch er deyð. Tíðindini bórust í vikuni í útlendskum miðlum.
Kend gjørdist hon í leiklutunum í filmunum Fantastic Voyage og One Million Years B.C., og var hetta í 1966.
Og líka nógv var tað filmsplakatin til One Million Years B.C., ið gjørdi hana heimskenda.
Í 1974 vann hon Golden Globe fyri sín leiklut í “Teir 3 musketerarnir”, og hon fekk flísu á Hollywood Walk of Fame í 1994.
Í 2021 fekk hon Imagen Foundation Lifetime Achievment Award fyri arbeiði sítt til frama fyri latínamerikanska arvin í USA.
Welch er skrivað fyri 73 leiklutir á filmi.
Hon var gift 3 ferðir, og seinasta hjúnalagið endaði í 2003. Eftir Welch sita tvey vaksin børn, fødd í 1959 og 1961.
Men’s Health segði hana í 2020 vera millum eiggiligastu stjørnur nakrantíð, og Welch var nummar tvey á listanum, frammanfyri t.d. Marilyn Monroe, og bert Jennifer Aniston var frammanfyri.
Í 1995 endaði hon eisini á lista hjá blaðnum Empire við 100 teim eiggiligastu stjørnunum nakrantíð.
Raquel Welch andaðist eftir stutta sjúkralegu týsmorgunin, 82 ára gomul.
